مش هقولك رأيي دلوقتي هقولك موقف بسيط

حضرت اليوم سكشن التشريح قبل موعدي بربع الساعه و فوجئت بالسيده المنقبه التي تأخذ الغياب تدخل و تقول طلعوا كارنيهات المشرحه و اللي مش معاه ملوش غياب

طبعا اتخدت غياب انا و معايا 13 زمايلي من أصل عشرين في السكشن ....حسبي الله و نعم الوكيل لازم عشان تكون حضرت تدفع جنيه و تطلع كارنيه ممكن تديه لصاحبك يقدمه بدالك و بكده تكون حضرت حتى لو مش انت موجود لأ و تكذب علينا و تقول اعملوا الكارنيه و هامسحلكوا غياب المرا دي المره الجايه مع انها عملت x علينا سامحها الله اتنرفزت منها جدا جدا جدا كانت مستفزه فعلا

هقولك رأيي بعدين يا احمد باشا مواضيعك كلها جميله و مميزه تسلم دماغك العاليه

بسم الله
شكرا يا احمد علي طرح الموضوع المهم والخص رايي المتواضع فيما يلي :

اولا : اقر واعتقد تماما ان النقاب او اللحية أو غيرهما مهما اختلفت آراؤنا حولها في في النهاية حرية شخصية لكل إنسان يفعلها أو يطلقها ولا يحق للاخرين بالتدخل في شأنه سوي بالنصيحة وفقط .

ثانيا : اتفقت غالبية الاراء الاسلامية المعتدلة علي كون اللحية والنقاب ليسا من الفرائض بمعني أن تاركهما لا يأثم كما لو ترك الصلاة او الصوم مثلا .

ثالثا : الاحظ في الفترة الأخيرة حالة من تنامي ما يمكن بتسميته اختزال الدين والحياة في المظهر دون الجوهر فالانطباع الاول عن الملتحي مثلا انه متدين وتقي دون حتي لأن نعرفه وهذا لا ينبغي أن يكون مقياسا للحكم او الانطباع عن البشر .

رابعا : ما يؤكد الانطباع السابق هو تراجع المعدل الاخلاقي " السلوكي " في مقابل الاخلاق " الشكلية " وهو امر لا تقع مسئوليته علي المنقبات والملتحين فقط بقدر ما تقع علي المجتمع بأكمله وعلي فئة ليست بقليلة من الدعاة مدعي العلم والذين لا هم لهم سوي تنمية التطرف الشكلي في مقابل غض الطرف عن معالجة التدهور السلوكي


شكرا ثانية وربما يكون لي عودة أخري

شكرا يا احمد على الموضوع الرائع

ولكن قبل ان اقول رأيى فى الموضوع

اقول لمحمد الحصرى قلبى معاك فى اللى حصل لك انمت وزمايلك بسانا عندى سؤال مش ممكن يحصل ده من غير المنقبات ايضا

واقول لعبد الرحمن عجبنى طريقى مناقشتك المرة دى فى الموضوع ده

اما بالنسبة لرأير انا

فأنا لست ضد النقاب ولس معه بمعنى

اننى قرأت وسمعت الكثير من اراء اهل العلم فى الموضوع ده

وافتى البعض بضرورة النقاب وافتى البعض بعدم ضرورة النقاب مع الالتزام بالزى الشرعى للمرأة

من عدم الشفافية والا يكون مجسما لجسم المرأة والا يكون ملفتا والا يظهر من المرأة سوى الوجه والكفين

ولاننى علمت ان فى حالة اختلاف الفتوى فيمكن للمرء ان يأخذ بأى فتوى يستفت فيها قلبه

فأنا وبناتى نأخذ بالفتوى الثانية

ولكننى ارى ان المرأة بالغى الجمال فى الوجه يكنها ان تلبس النقاب منعا للفتنة

فأنا لست ضد النقاب بل اشجع من تريد لبسه ولكننى لست معه حتى استطيع ان البسه باقتناع كامل

وقد يكون لى عودة اخرى فيما بعد

شكرا يا محمد ع الرد والمرور .. وطبعاا لقصة اللى انت قلتها فعلا تصرف بايخ جدا لكن انا اعتقد اعتقاد كبير ان لما الخطا يجى من شخص ده مش معناه فساد المبدأ .. اقصد انها لو مش لابسة نقاب كانت عملت نفس العملة .. معاك ان منهم ناس كتير مهتمين بالمظهر دون الجوهر لكن ناس اكتر منهم ماشاء الله جوهر ومظهر فعلا ..

عبد .. شكلك عاوز تخش هندسة ههههههههههه لان ردك ف شكل نقاط ده تفكير مهندسين وفعلا رد مفصل ومنظم جدا وبحترم رايك جدا ..