اقتبـاس ،،

أخيرا وبعد شغل أكتر من تلت شهور، كتب مكتبة الإسكندرية كاملة علي النت. قراءة اونلاين او تحميل مجانا

يعني ده كنز حقيقي صراحة لكل الناس اللي عندها رسالة ماجستير او أي حد حابب يتعمق في مجال معين ويقرأ عنه أكتر..
13000 كتاب مصنفين في المجالات الخاصة بيهم ، ما بين " أدب- علم نفس- قصص - هندسة - لغات - تاريخ - اقتصاد - فنون - طب - بلاغة - فلسفة - روايات عالمية ...... الخ "

انا كنت أعلنت من مدة اني معايا كتب مكتبة الإسكندرية وعاوز ارفعهم علي جوجل درايف.
واجهتنا مشكلة في البداية بمساحة المكتبة. لأنها كانت كبيرة 114 جيجا ، وجوجل درايف بتديلك 16 جيجا بس عايز أكتر بتشتري. والحقيقة في ناس عرضوا يدفعولنا حساب أكونت جوجل لمدة سنة عشان نرفع عليه المكتبة وناس عرضت استضافة علي مواقع عربية مشهورة .
بس الحمد لله لقينا الحل في ايميل الجامعة. اي إيميل اخره .edu جوجل بتديلك عليه مساحة 1000 جيجا مجاني .

المكتبة كانت موجودة علي النت بالفعل. بس لينكات تورنت كل لينك 30 جيجا. وبالنسبالنا في مصر فـ ده هيكون صعب جدا لأي حد يحمله كله.
فـ ميزة جوجل درايف انك تقدر تتصفح كل كتاب قبل ما تحمله..

لكن المشكلة الأكبر كانت التعريب. كل أسماء الكتب كانت مكتوبة بالفرانكو. ف كان لازم اعربهم الأول قبل ما ارفعهم عشان يكون سهل علي الناس تتصفحهم. دي كانت أكتر حاجة أخدت مني وقت. دول 13 ألف كتاب

عايز اشكر صديقي علي درة اللي ساعدني جدا في رفع الكتب علي النت.

الحمد لله.. المكتبة اترفعت بالشكل الي واحد كان متصوره.. اتمني أنه يكون فيها بعض الاستفادة