الاول شكرااا على الموضوع المميز

ثانيا اعتقد ان رقم 4 يساوى

1*(4 اس 1) + 0 * (2 اس 0)

و الله اعلم

شكرا يا منى ع الرد والمرور .. وسعيد ان الموضوع عجبك ..

بس حلك مش صح ..


ببساطة لأن مفيش حاجة ف النظام الثنائى اسمها 4 اس .. لأنه نظام ثنائى فكل الأوزان للأساس 2 فقط ...

فبدل كدة ممكن نفك ال 4 الى ونقول انها 2 اس 2 .. يعنى نحط واحد ف الخانة الثالثة ويبقى صفر ف الخانة الاولى (الآحاد) وصفر ف الخانة التانية (الاثنينات) ..

يعنى العدد 4 يمثل ف النظام الثنائى على الصورة (100)

ممكن تحاولى ف تحويل العدد 7 .. مستنى تفاعل الأعضاء الكرام ..

شكرا احمد وان شاء الله يكون الحل ده صح


1*(2 اس 0) +2 * ( 2 اس 2)

لا برضو الحل مش صح يا منى ..

لأن النظام الثنائى ميعرفش غير 0 او 1 فقط .. ورقم 2 ده بيظهر ف الوزن بس ..

يعنى الرقم 7=1+2+4

يعنى 1*(2^0)
+ 1*(2^1)
+1*(2^2)

يعنى الرقم 7 يمثل ب 111

محاولة أخرى بالرقم 9 ..

انا خلاااااااااص يأست و ماعتش هاجرب تانى اخلينى فى دروسى احسن