السلام عليكم و رحمة الله و بركاته






الحمد لله وحده و الصلاة و السلام على من لا نبى بعده ، أما بعد

أحبابى أعضاء و رواد المنتدى

انهارده صدمت بموضوع خطير للغاية و أنا متأكد إنها هتبقا مفاجأة ليكم برده عشان كده أنا عملت الموضوع ده عشان نتنافش فيه و منقعش فى المحظور ، تعالوا ندخل على الموضوع على طول

قريت انهارده فتاوى من شيوخ و علماء لا تجيز مواضيع المنتديات اللى بتقول سجل دخولك للمنتدى بالشهادتين و الأذكار و الصلاة على النبى صلى الله عليه و سلم و تعتبرها بدعة

طبعاً أنا لا شيخ و لا عالم و لكن أنا دايما بمشى بقول رسول الله صلى الله عليه و سلم ( دع ما يريبك إلا ما لا يريبك ) و فى حديث آخر ( من اتقى الشبهات استبرأ لدينه و عرضه )

أنا عايز اللى يدخل على الموضوع ده يقرا الرابط ده الأول كلمة كلمة و بعدين نبدأ النقاش فى الموضوع و نحاول نأتى باقتراحات أخرى لمثل هذه المواضيع فى المنتدى عشان نتجنب الوقوع فى المحظور

http://forums.2dab.org/showthread.php?t=14130

أنا كنت أول واحد بيشارك فى موضوعات تسجيل دخول المنتدى بالشهادتين و الصلاة على النبى صلى الله عليه و سلم بس بجد بعد ما قريت الفتاوى دى اتصدمت أنى كنت بشارك بحسن نيه و أكيد كلكم برده كده

طيب أنا ليا اقتراح جميل يبعدنا عن الوقوع فى هذا المحظور إن شاء الله و عايز كل الأعضاء يشاركونى بآرائهم حول الاقتراح

بدل ما ندخل و نسجل الحضور بالشهادتين و الصلاة على النبى صلى الله عليه و سلم ندخل على الموضوع ده هنا و نذكر بعضنا بتجديد الإيمان ( نطق الشهادتين ) و ( الصلاة على النبى صلى الله عليه و سلم )

ازاى ؟؟؟؟؟؟

فى مواضيع تانية هنا فى أقسام مختلفة فى المنتدى مثلاً بتقول ( صحى العضو اللى قبلك بالطريقة اللى تعجبك ) و فيه ( اعزم العضو اللى بعدك على حاجة ) و هكذا

هنا فى الموضوع ده نخليه شبيه بالمواضيع اللى ذكرتها بس بدون كتابة ، يعنى أنا أدخل أذكر العضو اللى بعدى بتجديد إيمانه و بصلاته على الحبيب عليه الصلاة و السلام ، وبعدين العضو اللى بعدى أول ما يشوف مشاركتى يصلى على الحبيب عليه الصلاة و السلام بلسانه من غير ما يكتب و ينطق الشهادتين بلسانه من غير ما يكتب و بعدين بقا يكتب أى حاجة للعضو اللى بعده تذكره بالشهادة أو بالصلاة على النبى صلى الله عليه و سلم أو تذكره بالآخرة .... الخ و يبقا الموضوع تذكرة عملاً بقول الله تعالى ( وذكر فإن الذكرى تنفع المؤمنين )

يا ريت أشوف آرائكم و اقتراحاتكم و منتظر ردودكم