مرات الاب : بت يا سندريلا اصحى يا بت جاك خابط فى نفوخك.. سندريلا : اييييه يا مرات ابويا حقوم علىخمسة ... مرات الاب: قومى يا بت قامت قيامتك ... وصحيت سندريلا وهي بتأفأف. مرات الاب : يالا قومي اكنسي وامسحي على ما نيجي.. سندريلا : وانتو رايحين فين ومتزوقين كده وكل واحدة عاملة نيو لوك.. مرات الاب : رايحين حفلة الامير اللي حيختار واحده عشان يتجوزها سندريلا : خدونى معاكو انا عاوزة اروح بليز.. مرات الاب : تروحي فين يا موكوسة بلبسك المهرول ده انا عايزة ارجع الاقي ....البيت بيبرق. ومشيت مرات الاب وبناتها التلاتة وقعدت سندريلا تعيط.. وفجأة طلعت الساحرة من الميكروويف. الساحرة : مالك يا سندريلا .. فقالت: كان نفسي اروح معاهم الحفلة بس لبسي مقطع وموبايلى كارت ولابسة.... شبشب بصباع.. الساحرة : ولا يهمك.
وطلعت الساحرة من جيبها الموبايل وطلبت رقم تليفون محل مدام لولو يبعتو فستان وجزمة اخر " موديل".. فرحت سندريلا ولبست وحطط الايشادو والجليتور ورشت البرفان لكن الساحرة قالت لها : قدامك للساعه 12 لازم ترجعي انا صعيدية ودمي حامي ومعنديش بنات تتأخر ولو اتأخرتى حترجعي زي ما كنتي بلبسك القديم وسط الناس.. سندريلا : حاضر حاضر. خرجت سندريلا من البيت لقت الساحرة سيارة " بي ام دبليو".. وركبت سندريلا وراحت ع القصر ولفت جمالها كل اللي موجودين.. واول ما عين الامير وقعت عليها.. راح وطلب يرقص معاها ووافقت بعد كده سمعت صوت.. ترررررررررن ترررررررررررن.. فقالت سندريلا : دي الساحرة بتديني "ماسيج". يا خبر الساعة 12.. وقامت طالعة تجري وهي بتجرى فردة الجزمة اتخلعت، خدها الامير المعجب ونادى الوزير.. الامير : يا وزير تامر.. الوزير : امرك مولاي.. الامير : خد الجزمة دي اسحبلي صورتها "اسكانر" ونزل صورتها في كل الجرايد وع الـ "ويب سايت" بتاع قريتنا واكتب الى صاحبة هذه الجزمة التوجهة للقصر الملكي .. بنات كتير جدا راحو ولكن للاسف الجزمة مجتش على مقاس حد فيهم.. الى ان شاهدت سندريلا الاعلان عن فردة الجزمة على قناة "ميلودي" وقامت بالتوجه الى القصر وتزوجت هي والامير وعاشوا فى تبات ونبات وخلفوا توأم ملتصق وشويه بنات.
[1]
سندريلا 2010
