بسم الله الرحمن الرحيم
من حوالى يومين صحيت من النوم ابص لروحى فجأه لقيت شعرى طول فجأه تعبت من المفاجأه ونزلت قصتى........... الفن الاصلى (تريقه).
رحت للحاج عمو عبده المقص علشان احلق كان زحمه مسكت جرنال اقرأه مكتوب مش عارف مخرج ايه بيتخانق علشان عايز الرقابه توافق على فيلمه وانه مفيش حاجه خادشه للحياء وان كلام عادى بيتكرر وهو انا هقطع امه بس استهبال كلام عادى ده ولا ايه؟
افلام رائعه وكمان بيقول ان مفيش مقاطع شديده الحياء احب ارد واقول ليه يأستاذ هات بالمره مش فارقه والله.
بجد الافلام اصبحت كلها لا قيمه لها والتنافس اصبح على الخلاعه.
فى مخرج لسه عامل فيلم حقق ايرادات اعلى من فيلم تايتنك وهو عن المخلوقات التى جاءت من الفضاء.
وكان يتمنى ياخد جائزه افضل مخرج اما المخرج بتاع فيلم بتاع فيلم هابى فلانتين دى نفسه ياخد جائزه ملك الخلاعه.
ده بالنسبه للافلام.
والاغانى كلها بقى عن الحشيش والبنجو والناس زى ال ....... بتسمع وخلاص وكلها اغانى هابطه واللى بيسمعها اصلا هابط فعلا والناس بتتأثر بالاغانى والافلام وكله معدش بيؤدى الى سلوك جيد لا كله بقى خلاص يؤدى الاى الانحطاط.
الحمد لله حاليا مصر بتحاول تقلد بعض الدول بس فى ايه..... يجيبوا تشرت محزق وعليه رسومات وبيقول اصله زى بتاع امريكا وفرنسا يعنى احنا بنقلد فى الوحش يريتنا نبقى زى امريكا فى كل حاجه حتى .
الطلاب فى اوروبا بيحلوا وبيطبقوا على القانون احنا بنحفظ القانون ونحل بس مش فاهميين
وممكن تلاقى طالب يقول الحمد لله انا عديت السنه دى ده انا كنت خايف لا ظريف بجد اللى بيخاف بيذاكر وده كله ادى الى ان فى مصر تلاقى واحد ولا فى دماغه الامتحانات ولا عارف هو امتحن ايه اصلن واللى يجيب من اول 92% لحد ما توصل ل 80% معناها بجد فى مصر ان الطالب ده كان مذاكر اى كلام ويخش كليه ولا ليها اى لازمه دلوقتى فى مصر .
اما اللى بيجيب تحت 80 % فده مكانه مش فى التعليم فى حته تانيه ويبعد.
من كلامى مش قصدى ان الطلاب وحشيين مفيش حد بس منهم بيعمل اللى عليه
واللى يجيب 92% ويعمل زفه ومبسوط قوى ياترى هتخش كليه هتنبسط فيها ولا هتخلصها وتقعد فى الورشه اللى جنبكم
وبالنسبه للبنت من رايى ان تعليمها برضه مهم الكليه اللى هتخشها بتدل اذا كانت هتلاقى عريس كويس يتقدم لها ولا صعب كده يعنى لو هى فى صيدله اكيد معظم اللى بيتقدموا هيبقوا فى صيدله او اسنان او طب. اما لو كليه عاديه هيتقدم لها واحد عادى وخلاص.
انا فاكر ايام ما انا كنت فى الثانوى العام كنت جايب 99% والله العظيم اخويا مسكها مزله ليه وقال ان التعليم فى مصر تافه (هو فى امريكا ) وبجد عجبنى تعامله معايا حفزنى انى اجتهد تانى مش خلاص خلصت ثانوى اقضيها ضياع بقى فى الكليه.
بالنسبه للثانويه اى حد بيذاكر بيجيب بسهوله.
الطفل المصرى ثانى اذكى طفل فى العلم بس المجتمع بتاعنا هو اللى بيؤدى الى هذه النتيجه العظيمه
زى مثلا الافلام والاغانى ملهاش قيمه افلام تافهه وتخلى الشباب اللى بيتفرج عليها تافه.
اعتقد انى طولت جدااااا بس بجد ايه رأيكم فى شباب مصر هو عامل اللى عليه ولا لا ؟ وليه؟؟
يعنى انا من الشباب المصرى وبعترف رغم مجهودى وانى فى كليه طب انى مش عامل برضه كل اللى عليه . وانتم ايه رأيكم فى نفسكم ؟وايه طموحاتكم؟
شكرا.
[1]
مجرد ثغرات!!!
