هو نوع من أنواع التأسيس يتم تنفيذ بغية الوصول إلى تربة جيدة أو صخرية
لترتكز عليها حمولات المبنى و ذلك عندما لا يمكن للتربة السطحية أن تتحمل الحمولات المطبقة عليها . بعض الترب لا يوجد تحتها صخر أو تربة حسنة
فيلجأ للخوازيق لحمل المبنى على مبدأ الاحتكاك او الاستناد بين الخازوق و بين التربة .
خازوق للمجلس العسكري
يوم ما الريس الغي الاعلان الدستوري المكمل
وخازوق للقضاء
يوم ما الريس حاول يرجع مجلس الشعب تاني
وخازوق " ....... " انت فاهم قصدي اكيد !!
يوم ما القضاء صمم علي قراره واضطر الرجوع عن قرار انعقاد مجلس الشعب
وخازوق لاهالي الشهداء
بالاحكام القضائية
وخازوق للشعب
بــ 100 يوم
وخازوق للقوي السياسية
في مواد التاسيسة
والدستور الجبار
وغيرة من الخوازيق الكتير اللي في حياتنا
خازوق للنائب العام
يوم ما اتعزل عن سلطاته
وخازوق تاني للنظام السابق
باعادة المحاكمات
وخازوق للقضاء تاني
بالاعلان الدستوري الجديد
الخازوق دلوقتي مش مجرد حفارة بتحفر
عشان تظبط اساس وتعدل من الفرشة
ولا تصب قواعد جديدة
للاسف كل واحد فاكر انه سياسي محنك وهو مش عارف انه ممكن في يوم يكون مجرد كوبري
هيتعدي عليه عشان ناس توصل لمصلحتها
مش مهم يكون ايه حتي لو من غير اساسات مش مهم كام واحد يموت ولا ايه اللي يحصل
المهم ساعتها ان في ناس هيا المستفادة
والمصيبة ان البلد هيا اللي بتضيع
[1]
الخـــــوازيق