شكرا يا عبد ع الموضوع ..

طبعا كل حاجة لها حدود لكن المشكلة ان الحدود دى بتختلف من شخص للتانى .. وكل واحد عنده منطقه ونظره ..

كمان القياس على أيام النبى عليه الصلاة والسلام غير مجدية لسبب بسيط أن الاختلاط أصبح شئ إجبارى فى كل مناحى الحياة (فى الشارع وع التلفزيون و ف النت و ع المنتديات و المدرسة والدرس والجامعة والمحلات وكل حاجة) ..

وبالتالى التعامل مع ظروف العصر الحالى تختلف عن ظروف أخرى لم تكن النساء ترى إلا فيما ندر وللضرورة وليس (عمال على بطال زى ما بيقولوا) ..

وفى هذا الإطار أطرح رأيى الشخصى وما أفعله فعلا .. وهو أن العلاقة تكون فى حدود الضرورة بمعنى أن هناك سبب ما يدعونى للتعامل مع هذه الفتاة ككونها قريبتى مثلا أو زميلتى أو ماشابه .. وحجم التعامل يكون حسب حجم هذه الضرورة ..

بمعنى .. قريبتى (ابنة عمى مثلا) الضرورة هنا صلة الرحم .. السلام والتحية (وليس المصافحة) .. وماإلى ذلك وذلك باعتبارها اختى الثانية ..

زميلتى مثلا والتى تنفذ معى (مثلا على سبيل المثال) كل تجارب المعمل .. وهذه تختلف كثير عن زميلتى التى فى قسم آخر والتى لا علاقة لى بها بتاتا ..

وهكذا فأنا أعتقد أن رأيى هذا هو رأي معتدل إلى حد ما ما بين التشديد فى هذه القضية (انى لما اشوف بنت ادور وشى الناحية التانية واقول عليها شيطان) وما بين التسيب (انى اقف اهزر مع زميلتى وكفك وبتاع ونفضل نقول نكت ونهرج مع بعض) ..

والله أعلى وأعلم ..

منتظر رودو باقى الأعضاء الكرام ..

موضوع رائع للنقاش موضوع الاختلاط اللى انت فتحته ياعبد الرحمن واسمح لى انى اقول رايى بشيىء من التفصيل


للاسف فيه ناس فى مجتمعنا بتنظر للاختلاط ككل (وده ميمنعش ان للاختلاط عيوب) انه عيب وغلط مع انهم ناسين ان امهاتنا معظمهم وابائنا واحنا نفسنا ظروف المجتمع فعلا بتجبرنا على الاختلاط علشان الحياة تمشى اختلاط بقى فى الدراسة والعمل والشارع وكده والاختلاط عامل زى الحرية موجود بس لازم يكون بحدود بمعنى انى احترم نفسى وارعى ربنا فى كل تصرفاتى وبالتالى هجبر اى حد بيتعامل معايا انه يحترمنى ويقدرنى اصل بصراحه مفيش حد بيعمل حاجه غصب عنه واللى مش هيراعى ربنا فى نفسه طبيعى هيستغل الاختلاط اللى متاح قدامه اسوأ استغلال وان قولنا برضه اننا هنقدر نمنع الاختلاط يبقى بنضحك على نفسنا ظروف مجتمعنا كده سواء قبلنا او رفضنا الخطوة الاولى ان الاختلاط يبقى باحترام هى نفسنا وكل واحد يراعى ربنا فى نفسه ساعتها كل الناس هتحترمنا وهنتعامل مع الكويسين بس وحتى اللى مش كده هيبقوا كده وهما بيتعاملوا معانا يعنى هنكسب نفسنا وراحه بالنا انما نمنع الاختلاط مستحيل او نبص عللى بتجبرهم ظروفهم على الاختلاط على انهم مش كويسين برضه غلط وده رايى وفعلا انا معاك يااحمد ان الظروف دلوقتى غير ظروف عصر الرسول ولذلك قال الرسول عليه افضل الصلاه والسلام المسلمون اعلم بامور دنياهم وشكرا